《港產片中的名畫》

縱橫四海/The Snake Charmer
<...

《港產片中的名畫》

縱橫四海/The Snake Charmer

好耐好耐無post過呢個系列～話說呢兩日多左好多新朋友，我係讀藝術同埋電影嘅學生，有時候睇睇下電影見到張畫都會好想同大家分享！希望大家鍾意呢個單元，認識更多港產片裡面嘅細節！

對上一次介紹左《縱橫四海》裡面最出名，大家出盡辦法想偷果張，今次就繼續介紹《縱橫四海》裡面嘅畫！

大家睇下曾江後面張畫！

呢張畫叫做，係法國藝術家Henri Rousseau(1844-1910)嘅作品。如果你上google搵 Rousseau嘅作品，你99%都係會搵一d同叢林有關嘅作品。Rousseau嘅靈感（好明顯）來自叢林，佢深愛住唔同嘅動植物。但係實際上佢唔係親身走入個叢林畫佢嘅作品，佢係靠睇書、睇身邊嘅植物、去溫室、同埋聽人形容去畫嘅。佢嘅畫充滿左想像力，佢話當佢入溫室去睇唔同種類植物嘅時候，彷彿身處夢境。

而呢張畫就係畫一個女性喺叢林裡面吹笛，似乎有條蛇比佢嘅笛聲吸引住.......

呢張畫依家收藏喺世界知名嘅法國藝術館Musée d'Orsay（奧賽博物館），大家有機會可以去法國睇下～！

《縱橫四海》裡面真係出現過好多張名畫，咁當然同呢套電影嘅主題有關！之前講過嘅例如有Modigliani 同埋 Renoir嘅作品，再到依家Rousseau嘅作品，張張都係世界名畫！呢d細節好值得我地留意！

縱橫四海
1991

---